Лукашэнку закарцела мець пад Мінскам яблыневы сад
На нарадзе з кіраўніцтвам урада 5 мая Аляксандр Лукашэнка падзяліўся ідэяй, як можна выкарыстаць меліяраваныя ўчасткі каля Мінска, якія цяпер належаць агракамбінату «Дзяржынскі».
Здымак ілюстрацыйны. Фота: pixabay.com
Па словах Лукашэнкі, гэтая мясцовасць яму спадабалася, і таму на ёй трэба закласці вялікі яблыневы сад.
Бачыць ён таксама, каму гэты праект можна даручыць — кіраўніку фермерскай гаспадаркі з-пад Маладзечна «Спартан-агра» Ігару Абрамчыку.
Лукашэнка думае, што стварэнне буйнога саду каля сталіцы магло б забяспечыць Мінск яблыкамі ў поўным аб’ёме і паменшыць залежнасць ад паставак з іншых рэгіёнаў і краін.
Чытайце таксама:
Аршанскі мясакамбінат далучаць да агракамбіната «Дзяржынскі»
«У гэты дзень не спала ўся краіна». У Докшыцах з помпай адкрылі аўтамыйню