На поўдні Расіі спыніліся палёты самалётаў: УСУ паразілі будынак аэранавігацыі ў Растове
Закрыта 13 аэрапортаў, у тым ліку ў Сочы і Мінводах.
З-за трапляння беспілотніка Узброеных сіл Украіны ў будынак аэранавігацыі ў Растове-на-Доне прыпынена праца паўднёвых аэрапортаў. Часова закрытыя Астрахань, Уладзікаўказ, Валгаград, Геленджык, Грозны, Краснадар, Махачкала, Магас, Мінеральныя Воды, Нальчык, Сочы, Стаўрапаль, Эліста, паведамляе Mash.
Цяпер спецыялісты аналізуюць працаздольнасць абсталявання і карэктуюць расклад.
Паведамляецца, што авіярух на поўдні Расіі спынены да 11 мая.