«Як і па выніках мінулага дня, па выніках сённяшняга Украіна будзе дзейнічаць люстэркава. Мы будзем абараняць нашы пазіцыі і жыццё людзей», — напісаў прэзідэнт Украіны.
Прэзідэнт Украіны Уладзімір Зяленскі падкрэслівае, што з боку Расіі не было нават імітацыйнай спробы спыніць агонь. Пра гэта кіраўнік Украіны напісаў у сваім тэлеграм-канале.
«На працягу мінулай ночы расійская армія працягвала наносіць удары па ўкраінскіх пазіцыях. Па стане на 7‑ю раніцы было зафіксавана ўжо больш за 140 абстрэлаў пазіцый на фронце. Расіяне правялі за гэтую ноч 10 штурмавых дзеянняў, і найбольш — на славянскім кірунку», — падкрэсліў Зяленскі.
Таксама, паводле слоў прэзідэнта, акупантамі было нанесена больш за 850 удараў дронамі розных тыпаў: FPV, «Ланцэт» і іншымі. Былі і ўдарныя дроны. Не спынялася і выкарыстанне разведвальных дронаў у небе прыфрантавых населеных пунктаў.
«Усё гэта выразна сведчыць пра тое, што з расійскага боку нават імітацыйнай спробы спыніць агонь на фронце не было. Як і па выніках мінулага дня, па выніках сённяшняга Украіна будзе дзейнічаць люстэркава. Мы будзем абараняць нашы пазіцыі і жыццё людзей. Расія павінна завяршыць сваю вайну, і кожны рэальна гэта заўважыць, калі пачнецца рух да міру», — заявіў Зяленскі.
У Паветраных сілах Узброеных сіл Украіны паведамілі, што ў ноч на 8 мая Расія атакавала Украіну 67 дронамі тыпу «Шахед», «Гербера», «Італмас» і дронамі-імітацыямі «Пародыя» з напрамкаў: Курск, Арол, Бранск, Прыморска-Ахтарск, Мілерава — РФ, Гвардзейскае — Крым.
Цяпер чытаюць
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра20
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»99
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»9
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары
[Зрэдагавана]