Беларусбанк уводзіць новыя ліміты для картак, каб бараніць кліентаў ад махляроў

Беларусбанк паведаміў, што ўводзіць абмежаванні для павышэння бяспекі аперацый па картках. З 15 чэрвеня 2026 года ліміты будуць дзейнічаць на пераводы ў адрас беларускіх кампаній, звязаных з азартнымі гульнямі, а таксама на пераводы і аплату купляў за мяжой.

Здымак ілюстрацыйны. Фота: «Наша Ніва»

«Гэтыя меры дапамагаюць абараніць кліентаў ад махлярства і несанкцыянаваных спісанняў», — гаворыцца ў паведамленні.

З 15 чэрвеня 2026 года ўводзяцца абмежаванні на аперацыі, зробленыя за адзін месяц:

• для дэбетавых картак фізічных асоб: агульная сума пераводаў на карткі замежных банкаў і аплат, у тым ліку ў інтэрнэце, за межамі Беларусі — да 89 000 рублёў;
• для карпаратыўных картак: агульная сума аплат за межамі Беларусі, у тым ліку ў інтэрнэце — да 899 000 рублёў.

Каментары да артыкула