Мінчук папрацаваў «інкасатарам Нацбанка» — як аказалася, у махляроў
Мужчына з Мінска двойчы злётаў за мяжу за грошы махляроў, а ў выніку сам апынуўся ўдзельнікам іх схемы, паведамляе «Міліцыя Мінска».
У міліцыю звярнулася 29‑гадовая мінчанка, якую падманулі тэлефонныя ашуканцы. Спачатку ёй патэлефанавалі ў месенджары нібыта супрацоўнікі службы замены дамафонаў і пад нагодай афармлення заяўкі выманілі код з SMS. Потым з жанчынай звязаліся людзі, якія назваліся сілавікамі, і пераканалі яе, што ад яе імя нібыта пераводзяць грошы на злачынныя рахункі.
Каб «захаваць» ашчаджэнні, жанчыне прапанавалі задэклараваць наяўныя грошы. Яна перадала кур’еру больш за 53 тысячы рублёў.
Пазней высветлілася, што кур’ерам быў 29‑гадовы жыхар Мінска, які раней і сам стаў ахвярай падобнага падману. Махляры прымусілі яго ўзяць крэдыт на 17 тысяч рублёў нібыта для скасавання няісных пазык.
Гэтыя грошы мужчына адвёз за мяжу. Пасля вяртання яму паведамілі, што супраць яго нібыта праводзіцца праверка, а каб «вырашыць пытанне», трэба атрымаць станоўчую характарыстыку з Камітэта дзяржаўнага кантролю. Для гэтага яму прапанавалі папрацаваць «інкасатарам Нацбанка».
Кіруючыся інструкцыямі куратараў, мужчына забраў у жанчыны канверт з грашыма і зноў выехаў за мяжу. Толькі пасля вяртання мужчына зразумеў, што ўвесь гэты час дапамагаў махлярам, і звярнуўся ў міліцыю.
Па факце завялі крымінальную справу за махлярства. Сілавікі нагадваюць, што супрацоўнікі банкаў, дзяржорганаў і міліцыі ніколі не патрабуюць праз месенджары перадаваць грошы, пераводзіць іх на «бяспечныя рахункі» або аддаваць кур’ерам.
Махляры стварылі клон часопіса БДУ і зараблялі на публікацыях у ім
У міліцыі мінчуку патлумачылі, што ён выконваў заданні махляроў. Але ён не паслухаў
Махляры абдурваюць пенсіянераў, абяцаючы выплаты да Дня перамогі
Мінчанка прыехала ў Гомель, засялілася ў гасцініцу і стала чакаць вяртання 200 тысяч рублёў
Пара падманвала мужчын на сайтах знаёмстваў — клюнулі 60 чалавек
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе27
Каментары