Запраўкі хацелі, каб у іх крамах адмянілі дзяржаўнае рэгуляванне цэн. Ім адказалі
Міністэрства антыманапольнага рэгулявання і гандлю (МАРГ) адхіліла прапанову сетак аўтазаправачных станцый адмяніць дзяржаўнае рэгуляванне цэн на тавары ў крамах пры АЗС.
Здымак ілюстрацыйны. Фота: «Наша Ніва»
Пытанне аб змяненні цэнавай палітыкі абмяркоўвалася на працоўнай сустрэчы з удзелам прадстаўнікоў экспертаў, канцэрна «Белнафтахім» і буйных сетак АЗС. Сярод іх былі кампаніі «А-100 АЗС», «Газпрамнафта-Белнафтапрадукт», «ЛУКОЙЛ Беларусь» і «Татбелнафтапрадукт».
Ініцыятыва заправачных сетак заключалася ў тым, каб зняць абмежаванні, устаноўленыя дзяржаўным рэгуляваннем цэн, у тым ліку пастановай урада №713. Аднак большасць удзельнікаў сустрэчы, як паведамляецца, яе не падтрымалі.
У МАРГ адзначылі, што дзейная сістэма кантролю цэн будзе і далей удасканальвацца, але не будзе адменена. Гэта азначае, што АЗС і звязаныя з імі гандлёвыя пункты і надалей не змогуць свабодна павышаць цэны на спажывецкія тавары без узгаднення з дзяржавай.
Чытайце таксама:
Кіроўца выпадкова заправіў поўны бак, а цяпер хоча вярнуць свае грошы. Ці мае ён рацыю?
У Гомелі ў дзяўчыны задымілася машына, а яна прыехала на ёй проста да бензакалонкі ВІДЭА