Джон Коўл заявіў, што вызваленні палітвязняў будуць працягвацца
Такім чынам спецпрадстаўнік Трампа адрэагаваў на пост Святланы Ціханоўскай.
Джон Коўл. Фота: Yauhen Yerchak Anadolu via Getty Images
Джон Коўл заявіў, што вызваленні палітвязняў у Беларусі будуць працягвацца. Так ён адказаў у X на пост Святланы Ціханоўскай.
Дэмакратычная лідарка нагадала, што год таму на свабоду выйшаў яе муж Сяргей Ціханоўскі.
«Роўна год таму я абняла свайго любімага мужа Сяргея Ціханоўскага пасля пяці доўгіх гадоў разлучыны. Я хачу, каб кожная сям'я кожнага палітычнага зняволенага ў Беларусі адчула тую самую радасць.
Я глыбока ўдзячная ўсім, хто дапамог зрабіць яго вызваленне магчымым, асабліва Джону Коўлу і Крысу Сміту», — напісала Ціханоўская.
Коўл коратка пракаментаваў пост: «Наперадзе яшчэ больш [вызваленняў]».
Не так даўно спецпрадстаўнік прэзідэнта ЗША па Беларусі распавёў, што хутка зноў наведае Мінск. Такія паездкі звычайна заканчваюцца вызваленнем палітвязняў.