Спецпасланнік прэзідэнта ЗША Джон Коўл, які займаецца пытаннем вызвалення беларускіх палітвязняў, можа ў бліжэйшы час наведаць Мінск. Пра гэта ён сам напісаў у сацыяльнай сетцы Х.
Амерыканскі дыпламат працягвае камунікаваць з карыстальнікамі і адказваць на пытанні ў інтэрнэце. Гэтым разам пытанне пра дакладныя тэрміны візіту ў беларускую сталіцу яму задала падпісчыца з нікам Lisa:
«Спадар Джон Коўл, вы нацыянальны герой Беларусі! Калі мы можам чакаць вас у Мінску? Мы ўскладаем на вас самыя вялікія надзеі», — спытала яна.
Адказ быў кароткім. «Хутка», — напісаў Коўл.
На мінулым тыдні Джон Коўл адказаў журналісту «Радыё Свабода» Дзмітрыю Гурневічу, які цікавіўся, ці не прыпыніўся працэс вызвалення палітвязняў і калі чакаць візіту амерыканскага прадстаўніка ў Мінск. На пытанне, ці не замарозіўся працэс, Коўл тады адказаў лаканічным: «Не».
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку23
Каментары