У Мінску метро будзе працаваць даўжэй у сувязі з футболам

У ноч на 16 ліпеня ў Мінску тры станцыі метро будуць працаваць даўжэй у сувязі з трансляцыяй паўфінальнага матча чэмпіянату свету па футболе 2026 года на стадыёне «Дынама», паведамілі ў Мінскім метрапалітэне.

Выява зроблена Мінскім метрапалітэнам пры дапамозе ШІ

Да 01:00 будуць адкрытыя для ўваходу станцыі «Плошча Леніна», «Кастрычніцкая» і «Першамайская». Звычайна яны перастаюць пускаць пасажыраў у 00:40.

Такое рашэнне прынята, каб гледачы пасля заканчэння футбольнага матча маглі зручна скарыстацца метро.

У другім паўфінале чэмпіянату свету сустрэнуцца зборныя Англіі і Аргенціны. Пачатак сустрэчы — 15 ліпеня ў 22:00 па мінскім часе. Пераможца выйдзе ў фінал турніру, дзе сустрэнецца са зборнай Іспаніі, а каманда, якая прайграе, згуляе ў матчы за трэцяе месца з французамі.

Каментары да артыкула