У 38 гадоў памёр суддзя Роб Дыперынк. Раней ФІФА адхіліла яго ад чэмпіянату свету з-за абвінавачванняў у дамагальніцтвах
Што стала прычынай смерці маладога мужчыны з Нідэрландаў, пакуль невядома. Яго знайшлі ўчора ў сваім доме.
Паводле інфармацыі De Telegraaf, паліцыя правяла расследаванне абставін здарэння і выключыла датычнасць трэціх асоб.
Роб Дыперынк павінен быў паехаць на чэмпіянат свету 2026 года ў якасці відэаасістэнта арбітра (VAR) нідэрландскай брыгады, аднак у красавіку яго адхілілі ад працы.
Прычынай стаў скандал: пасля матча Лігі канферэнцый паміж «Крыстал Пэлас» і «Фіярэнцінай» (3:0), які адбыўся ў Лондане, Роба затрымалі па падазрэнні ў дамаганнях да 17‑гадовага падлетка.
Паводле паведамленняў, суддзя завязаў размову з юнаком у гатэлі, падчас якой дакранаўся да яго і спрабаваў заманіць у свой нумар. Дыперынка адпусцілі пад заклад, і ён поўнасцю супрацоўнічаў са следствам.
Праз два тыдні паліцыя закрыла справу з-за недахопу доказаў.
Што стала прычынай смерці маладога мужчыны, пакуль невядома.
Роб Дыперынк працаваў арбітрам у прафесійным футболе Нідэрландаў з 2012 года. Спачатку ён судзіў матчы Першага дывізіёна, а з 2017 года — і Эрэдывізі (вышэйшай лігі). Таксама ён працаваў на міжнародным узроўні ў брыгадзе VAR падчас чэмпіянату Еўропы 2024 года ў Германіі.
Дыперынк таксама павінен быў узяць удзел у чэмпіянаце свету гэтым летам у складзе нідэрландскай судзейскай брыгады Дані Макелі. Аднак Робу забаранілі ўезд пасля яго арышту ў Лондане ў красавіку гэтага года па падазрэнні ў сэксуальным гвалце. Планавалася, што ён вернецца да судзейства ў наступным сезоне.
Цяпер чытаюць
Адцісканні з татам, урокі з мамай. Як жыве і вучыцца сям’я Севярынцаў у Вільні2
Каментары