МТС мяняе кошт сваіх паслуг
Беларускі мабільны аператар МТС паведаміў пра змяненне цэнаў на некаторыя свае паслугі. Новыя тарыфы пачнуць дзейнічаць з 3 жніўня.
Фота: Lookby.media
Змены закрануць міжнародную сувязь і паслугі фіксаванага інтэрнэту. Для большасці абанентаў МТС званкі ў Расію на нумары абанентаў гэтага ж аператара будуць каштаваць 1,33 рубля за хвіліну. Выключэнне зробяць для некаторых карпаратыўных тарыфаў, а таксама тарыфных планаў «Гасцявы», «Гасцявы 30», «Персона» і «Абсалют».
Званкі з Беларусі на нумары іншых расійскіх мабільных аператараў будуць каштаваць 1,64 рубля. Званкі ў краіны Еўрапейскага саюза падаражэюць да 2,78 рубля.
У кампаніі адзначылі, што абаненты загадзя атрымаюць SMS-паведамленні з інфармацыяй пра будучыя змены. Поўны пералік новых коштаў МТС размесціць на сваім сайце.