На Смаргоншчыне правялі заняткі народнага апалчэння ФОТЫ
У аграгарадку Солы Смаргонскага раёна 31 ліпеня адбыліся заняткі з народным апалчэннем. Як паведамляе мясцовая раёнка «Светлы шлях»: «Добраахвотнікі, гатовыя ў выпадку патрэбы стаць на абарону краіны, сабраліся, каб асвяжыць веданне заканадаўства, успомніць парадак абыходжання са зброяй і адпрацаваць практычныя навыкі».
Па словах начальніка групы тэрытарыяльнай абароны Смаргонскага вайсковага камісарыята Сяргея Кузьменкі:
«Добраахвотнікам даведзеныя заканадаўчыя акты аб прававых асновах іх дзейнасці ў народным апалчэнні, патлумачаны парадак атрымання зброі і боепрыпасаў, арганізацыя яе выдачы, замацавання і вядзення ўліку, а таксама патрабаванні бяспекі пры абыходжанні са зброяй і боепрыпасамі.
Прыемна бачыць неабыякавых людзей, якія, не зважаючы на ўзрост, з вялікім энтузіязмам гатовыя аказаць дапамогу і садзейнічанне Узброеным Сілам сваёй краіны пры выкананні пастаўленых задач».
Чытайце таксама:
У Брэсцкай вобласці пройдуць вучэнні тэрытарыяльнай абароны
Вайсковыя вучэнні з дыверсантамі і апалчэнцамі пройдуць у двух раёнах Віцебшчыны