У Навагрудку з'явіўся аўтобусны прыпынак у выглядзе пажарнай машыны
У Навагрудку на вуліцы Мінскай адкрылі крэатыўны прыпыначны пункт, аформлены ў стылістыцы сапраўднай пажарнай тэхнікі, паведамляе ТРК Гродна.
Скрыншот з відэа
Аб'ект аформлены ў выглядзе пажарнай машыны ЗІЛ-130. Незвычайны прыпыначны пункт знаходзіцца побач з мясцовым раённым аддзелам МНС і з моманту ўстаноўкі здзіўляе жыхароў і гасцей горада.
Заяўленая ідэя праекта ў тым, каб не проста ўпрыгожыць горад, але і нагадваць пра важнасць прафесіі ратавальніка, а таксама прыцягваць увагу да правіл бяспекі. Унутры прыпынку размешчаная розная карысная інфармацыя, а на бакавых стэндах нанесеныя папераджальныя надпісы пра тое, што жыццё не цярпіць неабдуманых учынкаў.
Рэалізаваць задуму ратавальнікам дапамаглі ўлады раёна і службы ЖКГ.
Чытайце таксама:
Дзікія коні ў Валожынскім раёне хаваюцца ад спёкі на аўтобусным прыпынку ВІДЭА
У Брэсце адкрылі мурал «Партызаны Брэстчыны». Гэта ўжо чацвёрты падобны аб'ект у горадзе
У цэнтры Брэста паставяць гіганцкія вагі з незвычайнымі адзінкамі вымярэння
У Брэсце паставілі скульптуру «Сцяг над рэйхстагам» ФОТАФАКТ