У Гродне падчас XV Рэспубліканскага фестывалю нацыянальных культур урачыста адкрылі новую скульптуру — аленя святога Губерта. Новы арт-аб'ект папоўніў калекцыю гарадскіх скульптур і інсталяцый, паведамляе «Гродзенская праўда».
Вобраз аленя звязаны са старажытнай легендай пра святога Губерта. Паводле падання, французскі герцаг Губерт падчас палявання ўбачыў аленя, паміж рагамі якога ззяў залаты крыж. Гэтая падзея змяніла яго жыццё: ён адмовіўся ад багацця, стаў святаром і пазней быў кананізаваны. З таго часу алень з залатым крыжам лічыцца сімвалам духоўнага перараджэння.
Менавіта гэты вобраз стаў асновай герба Гродна. Помнік самому святому Губерту быў усталяваны ў горадзе яшчэ ў 2020 годзе.
Старшыня Гродзенскага гарадскога савета дэпутатаў Алег Бялінскі паведаміў, што ўлады плануюць усталяваць у Гродне яшчэ некалькі падобных скульптур каля знакавых месцаў. На думку мясцовых уладаў, гэта павінна зрабіць горад яшчэ больш прывабным для жыхароў і турыстаў напярэдадні 900‑годдзя Гродна, якое будуць адзначаць праз два гады.
У Старых Дарогах над ракой паставілі скульптуры Вадзяніка і Русалкі ФОТАФАКТ
Каля гіганцкага зубра на трасе М1 адкрыюць кавярню з татарскай кухняй
У Мінску з’явілася новая гарадская скульптура — з рыбаком, паляўнічым, катом і сабакам
Калоны ў гонар Канстытуцыі 3 мая ў Беларусі — міф, які ходзіць здаўна
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары