Першая віцэ-міс Беларусі выйшла замуж ФОТЫ

Ксенія Уласюк, якую ў 2023 годзе на галоўным конкурсе краіны назвалі адной з самых прыгожых дзяўчат Беларусі, пахвалілася ў інстаграме фотаздымкамі вяселля.

Ксенія Уласюк. Тут і далей фота з яе інстаграма

У 2023 годзе Ксеніі было ўсяго 19 гадоў, яна вучылася ў Брэсцкім дзяржаўным тэхнічным універсітэце. Планавала атрымаць дыплом у сферы эканомікі і кіраўніцтва на прадпрыемстве. Але ўжо тады называла сябе прафесійнай мадэллю.

У фінале «Міс Беларусь», за якім па традыцыі з залі назіраў Лукашэнка, дзяўчына атрымала тытул першай віцэ-міс.

Пасля конкурсу Ксенія працягнула сваю мадэльную дзейнасць. Летась скончыла ВНУ, але працаваць па спецыяльнасці прадказальна не пайшла. Прызнаецца, што больш цікавіць не эканоміка, а творчасць.

Таму працуе як UGC-крэатарка і візажыстка, а таксама выкладае дэфіле для дзяцей.

Нядаўна Ксенія падзялілася ў інстаграме фота і відэа са свайго вяселля.

Абраннікам 22‑гадовай прыгажуні стаў 24‑гадовы Даніла Мароз з Брэста — у сваім інстаграме хлопец называе сябе атлетам.

Ксенія Уласюк разам са сваім каханым Данілай Марозам

Раней Ксенія распавядала, што пазнаёмілася з каханым ажно восем гадоў таму.

Сёлета пара набыла кватэру і пачала там рамонт. А цяпер вось і прыгожае вяселле зладзілі. Гэта была вельмі інстаграмная выязная цырымонія ў аграсядзібе «Прылукамор'е» ля Брэста.

Нявеста абрала небанальную дызайнерскую сукенку.

Зачытваючы клятвы ў каханні ля святочнай аркі, маладыя людзі не маглі стрымаць слёз. А спяваў для іх у гэты асаблівы дзень фіналіст шоу «Фактар.бай» Ілля Шаршун.

Каментары да артыкула