Латвія аднавіла пропуск транспарту на мяжы з Беларуссю
Латвія аднавіла ў поўным аб'ёме афармленне грузавога і легкавога транспарту ў пункце пропуску «Патэрніекі» (з беларускага боку «Грыгароўшчына») на мяжы з Беларуссю. Пра гэта паведаміў Дзяржаўны пагранічны камітэт Беларусі.
Паводле інфармацыі ведамства, латвійскі бок паведаміў беларускім памежнікам, што з 21:00 пункт пропуску зноў працуе ў штатным рэжыме.
Раней урад Латвіі адмовіўся падтрымаць прапанову Міністэрства ўнутраных спраў аб поўным закрыцці адзінага дзейнага аўтамабільнага пункта пропуску на беларуска-латвійскай мяжы.
31 ліпеня латвійскія ўлады часова спынілі яго працу, спаслаўшыся на тэхнічныя праблемы.
Пасля гэтага Міністэрства замежных спраў Беларусі заявіла, што пакідае за сабой права прыняць меры ў адказ, у тым ліку асіметрычнага характару.
Чытайце таксама:
Латвія не будзе закрываць мяжу з Беларуссю
МУС Латвіі прапануе цалкам закрыць адзіны пункт пропуску на мяжы з Беларуссю
МЗС пракаментавала закрыццё Латвіяй мяжы з Беларуссю
Латвія прапусціла аўтамабілі з нейтральнай паласы, але лёс мяжы з Беларуссю пакуль нявызначаны