Беларускія спецслужбы выведваюць інфармацыю пра ўдзельнікаў канферэнцыі «Новая Беларусь»
Беларускія сілавікі актывізавалі спробы збору звестак напярэдадні канферэнцыі «Новая Беларусь», якая пройдзе 8—9 жніўня ў Варшаве.
Паводле інфармацыі праваабарончага цэнтра «Вясна», невядомыя ў сацыяльных сетках і месенджарах пішуць беларусам з пытаннем, ці збіраюцца тыя наведваць мерапрыемства і як да яго рыхтуюцца.
Адзін з такіх профіляў прадстаўляўся «Сяргеем з Мінска». Праваабаронцы выявілі і апублікавалі ідэнтыфікатары Telegram-акаўнтаў, праз якія фармуецца запыт:
- 7215425509
- 5239146665
- 7704668859
- 7106779624
Напрыканцы ліпеня спецслужбы таксама спрабавалі вербаваць прадстаўнікоў Каардынацыйнай рады.
Праваабаронцы заклікаюць беларусаў выконваць правілы лічбавай бяспекі, не адказваць на паведамленні ад незнаёмых і не перадаваць свае персанальныя даныя ці планы.