Biełaruskija śpiecsłužby vyviedvajuć infarmacyju pra ŭdzielnikaŭ kanfierencyi «Novaja Biełaruś»
Biełaruskija siłaviki aktyvizavali sproby zboru źviestak napiaredadni kanfierencyi «Novaja Biełaruś», jakaja projdzie 8—9 žniŭnia ŭ Varšavie.
Pavodle infarmacyi pravaabarončaha centra «Viasna», nieviadomyja ŭ sacyjalnych sietkach i miesiendžarach pišuć biełarusam z pytańniem, ci źbirajucca tyja naviedvać mierapryjemstva i jak da jaho rychtujucca.
Adzin z takich profilaŭ pradstaŭlaŭsia «Siarhiejem ź Minska». Pravaabaroncy vyjavili i apublikavali identyfikatary Telegram-akaŭntaŭ, praź jakija farmujecca zapyt:
- 7215425509
- 5239146665
- 7704668859
- 7106779624
Naprykancy lipienia śpiecsłužby taksama sprabavali vierbavać pradstaŭnikoŭ Kaardynacyjnaj rady.
Pravaabaroncy zaklikajuć biełarusaŭ vykonvać praviły ličbavaj biaśpieki, nie adkazvać na paviedamleńni ad nieznajomych i nie pieradavać svaje piersanalnyja danyja ci płany.