На мінскім праспекце дэмантуюць надпіс «Квітней, родная Беларусь»
На доме №133 на праспекце Незалежнасці ў Мінску пачалі дэмантаваць знакаміты надпіс «Квітней, родная Беларусь», піша Blizko.by.
Будынак з вясны знаходзіцца на капітальным рамонце і, відаць, менавіта з гэтымі работамі звязаны дэмантаж літар. На 24 жніўня з фасада ўжо амаль цалкам знялі першае слова — «Квітней», засталася толькі літара «й».
Дваровы фасад дома ўжо пафарбавалі ў крэмава-белы колер. Вулічны фасад пакуль абноўлены толькі часткова — работы выканалі з правага боку. Пры гэтым відаць, што ўчастак сцяны пад словам «Беларусь» ужо таксама пафарбаваны.
Надпіс «Квітней, родная Беларусь» з'явіўся на фасадзе дома больш за 15 гадоў таму і за гэты час стаў адной з прыкметных дэталяў праспекта Незалежнасці.
Чытайце таксама:
У месцы, адкуль пачынаўся Гомель, пачалі ставіць помнік расійскаму фельдмаршалу
Мост праз Свіслач каля плошчы Перамогі адкрыюць пасля рамонту да канца жніўня