У Мінску працягваюць працу з аварыйнымі, занядбанымі і неэксплуатаванымі будынкамі, якія могуць ствараць небяспеку для жыхароў горада. Пытанне зносу такіх аб’ектаў абмеркавалі на нарадзе пад кіраўніцтвам старшыні Мінгарвыканкама Уладзіміра Кухарава, піша агенцтва «Мінск-Навіны».
У інвестыцыйную праграму сталіцы на 2026 год уключылі шэсць будынкаў, якія падлягаюць зносу. Пасля дэмантажу гэтых аб’ектаў тэрыторыі павінны прывесці ў належны санітарны стан.
Два такія будынкі, як паведамляецца, ужо знеслі. Адзін з іх знаходзіўся ў раёне вуліцы Петруся Броўкі (корпус былой абласной дзіцячай бальніцы), другі — на вуліцы Рабкараўскай («сталінка» ў стылі савецкага класіцызму). Цяпер работы праводзяцца на аб’екце на вуліцы Інжынернай і яшчэ на адным будынку на вуліцы Петруся Броўкі. Да канца года ўлады плануюць знесці яшчэ два аварыйныя аб’екты.
Усяго пасля праведзеных абследаванняў у розных раёнах Мінска выяўлены 151 праблемны будынак. Паводле гарадскіх уладаў, усе гэтыя збудаванні непрыдатныя для далейшага выкарыстання, таму захоўваць іх немэтазгодна.
Асноўным прыярытэтам пры навядзенні парадку чыноўнікі называюць бяспеку і камфорт жыхароў. Занядбаныя будынкі, маўляў, не толькі пагаршаюць выгляд горада, але і могуць уяўляць рэальную небяспеку для дзяцей і дарослых.
Асобна на нарадзе разгледзелі пытанне ўтрымання будынкаў і збудаванняў, якія працяглы час не выкарыстоўваюцца. Паводле звестак Мінскага гарадскога ўпраўлення МНС, на адпаведным уліку знаходзяцца 52 такія аб’екты.
У Мінску зносяць міжваенную бальніцу працы французскага архітэктара. Знішчыць помнік дапамагалі два мясцовыя акадэмікі
У цэнтры Мінска зносяць яшчэ адну «сталінку»
Наколькі больш помнікаў архітэктуры ахоўваецца ў Польшчы і Літве ў параўнанні з Беларуссю. Жахлівыя лічбы
«Сцены вільготныя, цвіль паўсюль». Што адбываецца ў сталінках на вуліцы Леніна ў Мінску праз месяц пасля пажару
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў88
Каментары
А што замест?
Знясьці можна хоць усе будынкі краіны, але навошта?
Або сербы ўсё будуюць бяспечна ды прыгожа, так?
Або гэта толькі фенамен НБ што нейкая панэлька за кальцом даражэй?
Або мабыць справа ў тым, як будынкі сталі занядбанымі ды аварыйнымі, калі ўлады павінны былі кантралюваць гэта?
Асабліва калі будынак мае быць пытаннем да ўласніка... дык а чыі будынкі зняслі, га?
Так многа пытанняў, так мала адказаў...