Апазнанне целаў альпіністаў, што загінулі ў Кыргызстане, прызначана на чацвер
Апазнанне целаў двух беларускіх альпіністаў, якія загінулі на піку Курумды ў Кыргызстане, прызначана на чацвер, 27 жніўня. Целы загінулых ужо даставілі ў горад Ош. Туды таксама вылецела жонка аднаго з загінулых беларусаў, паведамляе Sputnik.
Фота: прэс-служба МНС Кыргызстана
Сувязь з групай альпіністаў, у якую ўваходзілі 43‑гадовы Максім Палянскі, 60‑гадовы Мікалай Свірыдаў і 37‑гадовы грамадзянін Літвы Сяргей Рубцоў, знікла 4 жніўня пасля ўзыходжання на пік Курумды вышынёй 6612,5 метра.
Па словах кіраўніка Беларускай федэрацыі альпінізму і скалалажання Аляксандра Гадлеўскага, цяпер яшчэ трэба высветліць усе абставіны трагедыі.
Узыходжанне на Курумды лічыцца надзвычай складаным і патрабуе высокай фізічнай і тэхнічнай падрыхтоўкі. Упершыню вяршыню скарылі толькі ў 2001 годзе пасля некалькіх няўдалых спроб.
Чытайце таксама:
Пачалі спуск целаў двух альпіністаў, якія загінулі ў Кыргызстане
«Ішлі ў адной звязцы». Што адбылося з беларусамі ў гарах Кыргызстана