Што вядома пра Максіма Палянскага і Мікалая Свірыдава — беларускіх альпіністаў, якія зніклі ў гарах Кыргызстана
Пошукі працягваюцца амаль тыдзень.
Трое дасведчаных турыстаў — двое з Беларусі і адзін з Літвы — зніклі ў гарах Кыргызстана пасля ўзыходжання на пік Карумду. 1 жніўня а 10:30 яны падняліся на вяршыню. Ішлі паўночным грэбенем. 2 жніўня паведамілі, што 4 жніўня будуць гатовыя да выезду. Больш сувязі не было. Кіроўца прыязджаў у дамоўленае месца 4 і 5 жніўня, але група не выйшла.
Максіму Палянскаму 43 гады. Ён жыве ў Калодзішчах. Скончыў факультэт радыётэхнікі і электронікі Беларускага дзяржаўнага ўніверсітэта інфарматыкі і радыёэлектронікі. Па прафесіі — інжынер-канструктар.
Максім любіць актыўны адпачынак. Ён шмат падарожнічаў па Беларусі на роварах, байдарках, лыжах і пешшу. Ездзіў і за мяжу ў горы.
60‑гадовы Мікалай Свірыдаў з Салігорска. Мае вышэйшую тэхнічную адукацыю, працуе інжынерам.
У Мікалая званне кандыдата спорту па турызме і першы разрад па альпінізме (прынамсі на 2016 год). Займаецца альпінізмам з маладосці і сам водзіць экспедыцыі. Акрамя гэтага, бегае марафоны, ходзіць у шматдзённыя паходы і сплаўляецца па рэках.
Абодва мужчыны маюць тытул «Снежны барс», то-бок яны падняліся на ўсе пяць сямітысячнікаў, размешчаных на тэрыторыі былога СССР.
Адкрыты грашовы збор на дапамогу ў пошуку.
«Наша Нiва» — бастыён беларушчыны
ПАДТРЫМАЦЬЦяпер чытаюць
Яму далі 15 гадоў па паказаннях Пратасевіча. Ён пасівеў за адну ноч19
Каментары
Да, иногда опасные увлечения приводят к таким случаям.
Как-то не жаль. Люди знали, на что шли.
Таксама можна было б пакпіць, што "ведаў, на што ішоў".
Хаця ўвогуле вось гэтае тупое агрэсіўнае цкаванне ад абывацеляў, якое пачынаецца кожны раз (дзясяткі год) пры навінах з турызму, мне нагадвае траўлю пратэстоўцаў.
Ну тое ж самае: калі чалавек не можа зразумець матывацыю таго, каго затрымалі, ён рэжа прыгаворамі "сам ведаў, што тут могуць і схапіць, пасадзіць, пабіць" і г.д.
Такая вось дасяжная аналогія для наведвальнікаў палітычнага рэсурсу.
Калі асабіста не чапляе, можна не злараднічаць, а адысці ў бок, памаўчаць, застацца чалавекам.
Лучший вариант, что ушли на спуске в другую сторону. Вероятность пока сохраняется.