У Гродне таксісты амаль тры гады атрымлівалі заробкі ў канвертах
У Гродне больш за 120 кіроўцаў таксі на працягу прыкладна трох гадоў атрымлівалі частку заробку неафіцыйна. Агульная сума выплат, якія не адлюстроўваліся ў бухгалтарскім уліку кампаніі, перавысіла 940 тысяч рублёў, паведаміла прэс-служба Камітэта дзяржаўнага кантролю.
Здымак ілюстрацыйны. Фота: «Анлайнер»
Схему раскрылі супрацоўнікі ўпраўлення Дэпартамента фінансавых расследаванняў Камітэта дзяржаўнага кантролю Гродзенскай вобласці.
Як высветлілася, грошы кіроўцам перадавалі «ў канвертах», не ўключаючы іх у афіцыйную справаздачнасць кампаніі, якая займалася пасажырскімі перавозкамі на таксі.
У выніку дзяржава недаатрымала больш за 120 тысяч рублёў падаткаў і іншых абавязковых плацяжоў.
У дачыненні да фактычнага кіраўніка кампаніі завялі крымінальную справу. Яго падазраюць ва ўхіленні ад выканання абавязкаў па пералічэнні падаткаў у асабліва вялікай суме.
Чытайце таксама:
Прыватную стаматалагічную клініку злавілі на маштабным ухіленні ад падаткаў
Андрусь Бездар, які выйшаў з СІЗА, расказаў, як яго справа цяпер і што будзе далей
КДК расказаў пра схему незаконнага вываду грошай у беларускім шоу-бізнэсе