Каля Сочы шугануў пажар на судне ВІДЭА
Увечары 6 кастрычніка каля ўзбярэжжа Сочы ў Чорным моры загарэлася судна. Пра пажар паведамілі мясцовыя жыхары. Паводле сведчання аднаго з іх, агонь было відаць з усяго ўзбярэжжа горада.
Скрыншот з відэа
На відэа і фотаздымках з месца здарэння бачны густы чорны дым, які падымаецца над морам і горадам. Дым ахутаў неба таксама над цэнтральнай часткай Сочы.
Паводле пабліка «ЧП Сочи», судна знаходзіцца ў нейтральных водах, таму не выключаецца, што яно магло быць атакавана марскімі беспілотнікамі.
Рэгіянальныя ўлады пакуль не каментавалі здарэнне. Прычына ўзгарання на гэты момант невядомая.
Чытайце таксама:
Каля ўзбярэжжа Балгарыі дроны атакавалі два гандлёвыя судны, адно затанула
Расія ўдарыла дронамі па турэцкім судне з кукурузай
Экспарт нафты з Персідскага заліва аднавіўся амаль да даваеннага ўзроўню