Экспарт нафты з Персідскага заліва аднавіўся амаль да даваеннага ўзроўню
Краіны Персідскага заліва, не лічачы Ірана, у верасні аднавілі пастаўкі нафты і паліва да 81% ад даваеннага ўзроўню. Гэта адбылося пераважна дзякуючы Саудаўскай Аравіі. Экспарт самога Ірана праз амерыканскую блакаду ўпаў да нуля.
Саудаўская Аравія, Кувейт, Катар, Аман, Бахрэйн, Ірак і Аб’яднаныя Арабскія Эміраты ў верасні экспартавалі ў сярэднім 19,2 мільёна барэляў нафты і нафтапрадуктаў за суткі. Да пачатку вайны вакол Ірана гэты паказчык складаў каля 23,6 мільёна барэляў, піша Reuters.
Асноўную ролю ў аднаўленні паставак адыграла Саудаўская Аравія. За месяц яна павялічыла экспарт на 4,2 мільёна барэляў за суткі — да 6,6 мільёна. Гэты рост кампенсаваў падзенне паставак з Ірана, Кувейта і Катара.
Пастаўкі сырой нафты і кандэнсату ўжо дасягнулі 91% даваеннага ўзроўню.
Значна горшая сітуацыя з гатовым палівам, у тым ліку звадкаваным газам: яго экспарт аднавіўся толькі да 60%.
Скарачэнне паставак дызельнага і авіяцыйнага паліва ўзмацніла сусветны дэфіцыт і падштурхнула цэны на некаторых рынках да рэкордных або блізкіх да рэкордных значэнняў.
Каб абараніць танкеры ад іранскіх атак, перавозчыкі ўсё часцей выкарыстоўваюць «цёмныя рэйсы» — выключаюць сістэмы адсочвання суднаў і спрабуюць прайсці маршрут незаўважанымі.
«Штодзённыя аб’ёмы паставак цяпер значна больш нестабільныя, чым да вайны. Таму галоўнае пытанне — ці ўдасца захаваць цяперашні ўзровень», — адзначыла аналітык Vortexa Клэр Джангман.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку3
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары