«Так званая постпенітэнцыярная адаптацыя». Дэпартаваны палітвязень Кірыла Пазняк апублікаваў сваё ФОТА з дочкамі

Журналіст Кірыла Пазняк, які 15 верасня разам з яшчэ 24‑ма палітвязнямі быў вызвалены з лукашэнкаўскай турмы і адразу выдвараны з краіны, апублікаваў у фэйсбуку сваё фота з дочкамі на фоне гор. 

«Так званая постпенітэнцыярная адаптацыя», — лаканічна падпісаў фота Пазняк.

Адна з дочак, Яніна (на фота справа), была затрыманая тады ж, як і бацька, 4 верасня 2025 года. Яна праходзіла з ім па адной справе аб стварэнні «экстрэмісцкага фармавання» або ўдзеле ў ім, інкрымінавалі Пазнякам таксама і «дыскрэдытацыю Беларусі. Яніна была асуджаная на 3 гады зняволення, але 15 верасня разам з бацькам таксама трапіла ў спіс вызваленых.

Сам Кірыла Пазняк быў асуджаны на 3 з паловай гады зняволення.

Каментары да артыкула