Зяленскі правёў размову з дзяржсакратаром ЗША Рубіа
«Размаўляў з Марка Рубіа, і размова была прадметнай — пра тыя пытанні, якія маюць значэнне», — паведаміў прэзідэнт Украіны ў сваім тэлеграм-канале.
Марка Рубіа. Фота: Chip Somodevilla/Getty Images
Зяленскі напісаў пра тры важныя праблемы для Украіны.
«Першае — гэта супрацьбалістычныя перахопнікі, неабходныя для абароны жыццяў. Другое — ранняе папярэджанне пра расійскія балістычныя атакі, якое мае жыццёва важнае значэнне. Трэцяе — сітуацыя вакол Starlink/Starshield, працу якіх неабходна аднавіць. Вядома, усё гэта адбываецца на фоне нашых дыпламатычных намаганняў, накіраваных на тое, каб скончыць гэтую жахлівую вайну і спыніць пастаянныя забойствы людзей. Дамовіліся неўзабаве зноў звязацца, каб абмяняцца абнаўленнямі. Дзякуй, Марка, за канструктыўны дыялог! Дзякуй усім у Амерыцы, хто падтрымлівае справядлівыя падыходы!» — напісаў Зяленскі.
Чытайце таксама:
Зяленскі папрасіў сенатараў ЗША націснуць на Трампа
Уіткаф пасля сустрэчы па Украіне ў Нарвегіі плануе сустрэцца з Пуціным
Трамп: Расія паводзіла сябе цалкам нармальна ў дачыненні да Украіны