Расія і Украіна правялі чарговы абмен целамі загінулых вайскоўцаў
Абмен адбыўся на беларуска-ўкраінскай мяжы, у пункце пропуску «Новая Гута». Расія і Украіна абмяняліся целамі загінулых паводле формулы «252 на 25».
Фота: БелТА
На тэрыторыі Беларусі дагэтуль адбылося больш за 70 абменных місій. Папярэдні абмен целамі загінулых вайскоўцаў прайшоў 17 верасня. Тады Расія перадала Украіне 252 целы, а ўкраінскі бок — 23.
Апошні абмен людзьмі пры ўдзеле Беларусі адбыўся 24 жніўня. Тады беларускі бок перадаў Украіне дзесяць чалавек, якія знаходзіліся на тэрыторыі Беларусі, але парушылі міграцыйнае і іншае заканадаўства. Узамен Кіеў праз Мінск вярнуў Маскве дзесяць расійскіх вайскоўцаў.
Папярэдні абмен ваеннапалоннымі паміж Расіяй і Украінай адбыўся 19 жніўня паводле формулы «103 на 103».
Чытайце таксама:
Украіна і Расія правялі новы абмен целамі загінулых
Украіна і Расія правялі чарговы абмен целамі загінулых вайскоўцаў