Лукашэнка зрабіў новыя перастаноўкі ў войску
Аляксандр Лукашэнка 22 кастрычніка падпісаў указы аб кадравых зменах ва Узброеных сілах Беларусі. Змены закранулі камандаванне сіламі спецыяльных аперацый і двух аператыўных камандаванняў.
Новы камандуючы сіламі спецыяльных аперацый Уладзімір Сафонаў
Камандуючым сіламі спецыяльных аперацый прызначаны палкоўнік Уладзімір Сафонаў, які раней займаў пасаду начальніка штаба — першага намесніка камандуючага гэтымі сіламі. Ягонае ранейшае месца заняў палкоўнік Дзмітрый Варашылаў.
Былы камандуючы сіламі спецыяльных аперацый палкоўнік Аляксандр Ільюкевіч узначаліў войскі Заходняга аператыўнага камандавання. Начальнікам штаба — першым намеснікам камандуючага гэтымі войскамі стаў генерал-маёр Андрэй Краўчанка. Да прызначэння ён кіраваў упраўленнем тэрытарыяльнай абароны і быў намеснікам начальніка Генеральнага штаба Узброеных сіл Беларусі.
Камандуючым войскамі Паўночна-Заходняга аператыўнага камандавання прызначаны генерал-маёр Аляксандр Лаўрэнаў. Раней ён займаў пасаду начальніка штаба — першага намесніка камандуючага войскамі Заходняга аператыўнага камандавання.
Чытайце таксама:
Полацкае прадпрыемства выпускае «правераныя ў баявых умовах» бронекамізэлькі ZoV
У Брэсце прывялі ў баявую гатоўнасць дэсантнае падраздзяленне