Выйшаў пераклад адной з галоўных п’ес сюррэалізму Ражэ Вітрака
Выдавецкая ініцыятыва Nadja апублікавала пераклад п’есы Ражэ Вітрака «Віктор, альбо Дзеці пры ўладзе» (1928) у перакладзе Лізаветы Чыж. Кніга выйшла ў электронным і папяровым варыянтах, піша bellit.info.
«Віктор, альбо Дзеці пры ўладзе» — адна з галоўных п’ес сюррэалізму: ідылія сямейнага свята, пад якой аказваецца падкладзенай выбухоўка з вар’яцтва, гвалту, інцэсту і смерці — прыгожай, якой бывае толькі сама смерць.
Тэкст п’есы суправаджаецца заўвагамі і каментарамі.
Спампаваць pdf-версію можна тут. Каб прыдбаць папяровы асобнік — пішыце на пошту nadja.edition@gmail.com ці ў тг-канал ініцыятывы Nadja (прапанова толькі для Беларусі).