Беларусбанк часткова прыпыніў пераводы ў Кітай
Беларусбанк з 4 лістапада часова прыпыніў грашовыя пераводы MoneyExpress з картак UnionPay банка на карткі UnionPay у Кітаі. Пра гэта паведамляецца на сайце фінансавай установы.
Здымак ілюстрацыйны. Фота: Lookby.media
Абмежаванні тычацца пераводаў праз сайт банка і сэрвіс «М-Банкінг». У якасці альтэрнатывы кліентам прапануюць адпраўляць грошы ў Кітай у кітайскіх юанях на банкаўскія рэквізіты атрымальніка. Для гэтага трэба звярнуцца непасрэдна ў аддзяленне Беларусбанка.
У банку патлумачылі, што пераводы прыпыненыя з тэхнічных прычын. Там заявілі, што прымаюць меры для як мага хутчэйшага аднаўлення гэтай паслугі. Пра аднаўленне пераводаў абяцаюць паведаміць дадаткова.
Раней міжнародныя пераводы ў далярах у Кітай прыпыніў Статусбанк. У якасці альтэрнатывы ён аднавіў магчымасць адпраўляць грошы ў КНР у кітайскіх юанях.
Чытайце таксама:
Беларусбанк зніжае стаўкі па крэдытах на нерухомасць