Пуцін узнагародзіў дзеяча РПЦ з Беларусі на расійскі «Дзень народнага адзінства»
Прэзідэнт Расіі Уладзімір Пуцін узнагародзіў медалём Пушкіна праваслаўнага святара Аляксандра Раманчука, які ўзначальвае Сінадальную гістарычную камісію Беларускага экзархата Маскоўскага патрыярхату. Узнагароду яму ўручылі 4 лістапада ў Крамлі падчас урачыстай цырымоніі з нагоды Дня народнага адзінства ў Расіі, паведамляе расійскае выданне Sputnik.
Уладзімір Пуцін і Аляксандр Раманчук. Фота: Sputnik
Прымаючы медаль, Раманчук падзякаваў Пуціну за ўзнагароду і пажадаў яму Божай дапамогі ў дзяржаўнай дзейнасці, якую назваў самаахвярным служэннем.
Ён таксама выказаў упэўненасць, што дзякуючы мудрасці кіраўнікоў Расіі і Беларусі Уладзіміра Пуціна і Аляксандра Лукашэнкі саюз дзвюх «аднакроўных сясцёр» — Расіі і Беларусі — будзе толькі ўмацоўвацца.
Атрыманую ўзнагароду ён назваў медалём для ўсіх святароў Беларускага экзархата РПЦ, якія «шчыра моляцца за народы дзвюх братніх краін».
Чытайце таксама:
Дом Масквы ў Мінску курыруе супрацоўнік ФСБ
Расійскае ТБ надае непрапарцыйна шмат увагі сепаратысцкім рухам на Захадзе. Навошта гэта робіцца?
РПЦ арганізавала аблёт месцаў расійскіх паражэнняў з мошчамі Георгія Пераможца