У Балгарыі на трасе сутыкнуліся ажно 86 машын, 12 чалавек загінулі
У Балгарыі на аўтамагістралі «Тракія» адбылася масавая аварыя з удзелам амаль 86 аўтамабіляў. Загінулі 12 чалавек, яшчэ 46 пацярпелых даставілі ў бальніцы. Пра гэта паведамілі прадстаўнікі Міністэрства ўнутраных спраў і Міністэрства аховы здароўя краіны.
Паводле намесніка міністра ўнутраных спраў Калаяна Калаянава, 63 аўтамабілм сутыкнуліся на палосах руху ў бок Бургаса, яшчэ 23 — на супрацьлеглым баку трасы, які вядзе ў Сафію. Дзесяць чалавек загінулі на месцы здарэння, яшчэ двое памерлі ў бальніцах гарадоў Ямбал і Слівен. Усяго ў аварыі былі пашкоджаныя 86 машын.
ДТЗ адбылося раніцай 10 лістапада ва ўмовах густога туману, які істотна абмежаваў бачнасць. Рух па аўтамагістралі перакрылі. Для ліквідацыі наступстваў аварыі правялі аперацыю «Ратаванне»: на месца накіравалі 15 пажарных разлікаў, паліцэйскіх і брыгады хуткай дапамогі.
Для транспарціроўкі цяжкапараненых задзейнічалі ў тым ліку вайскова-транспартную авіяцыю.
Чытайце таксама:
У Германіі беларуса на «Мерсэдэсе» падбіў немец на «Мерсэдэсе»
У расійскім Пермскім краі бязногі ўдзельнік вайны з Украінай звёў у магілу яшчэ трох чалавек