У Мінску пачалі будаваць Казахстанскі квартал
У Мінску пачалі будаваць жылы комплекс, які атрымаў назву «Казахстанскі квартал». Ён размесціцца каля станцыі метро «Міхалова», непадалёк ад праспекта Жукава. Пра пачатак работ паведаміла ўпраўленне капітальнага будаўніцтва Мінгарвыканкама.
Фота: t.me/uksmgi
Будаўніцтва пачалося з узвядзення двух дамоў для грамадзян, якія стаяць на чарзе на паляпшэнне жыллёвых умоў. Усяго ў новым квартале плануюць пабудаваць сем шматпавярховых жылых дамоў і паркінг. Заказчыкам выступае прадпрыемства «Упраўленне капітальнага будаўніцтва Захад».
Праект з'явіўся ў выніку дамоўленасцяў паміж Беларуссю і Казахстанам, дасягнутых у 2022 годзе. Бакі планавалі рэалізаваць некалькі сумесных праектаў у будаўнічай сферы, у тым ліку стварыць падобныя жылыя кварталы ў сталіцах дзвюх краін: беларускі — у Астане, казахстанскі — у Мінску.
Для мінскага квартала выбралі тэрыторыю каля станцыі метро «Міхалова», абмежаваную вуліцамі Чыгуначнай, Дубравінскай, Грушаўскай і Прамой. Раней тут знаходзілася прамысловая зона, якую знеслі.
Першапачаткова будаўніцтва планавалі пачаць яшчэ ў другой палове 2025 года, аднак да работ прыступілі толькі цяпер.
Чытайце таксама:
«Казахстанскі квартал» і новабудоўлі ў Чыжоўцы, Масюкоўшчыне, Лошыцы. Як будзе забудоўвацца Мінск
У Мінску з'явіцца «Казахстанскі квартал». Дзе ён размесціцца?
«Плануем зрабіць усё прыгожа». У Мінску з'явіцца квартал па казахстанскіх матывах