БЕЛ Ł РУС

Відэагульню, створаную беларусамі, намінавалі на прэмію The Game Awards

18.11.2026 / 20:07

Nashaniva.com

Відэагульню Replaced, створаную студыяй Sad Cat Studios, намінавалі на прэмію The Game Awards. Раней гэты кіберпанк-экшн атрымаў прызнанне на Central & Eastern European Game Awards, дзе быў прызнаны найлепшым, піша тэлеграм-канал Dzik Pic.

Праект беларускіх распрацоўнікаў трапіў у катэгорыю «Найлепшы дэбют новай незалежнай студыі». За ўзнагароду ў гэтай намінацыі таксама змагаюцца гульні Dressmaker, Esoteric Ebb, Silver Pines і Orbitals.

Фармальна Sad Cat Studios лічыцца незалежнай гульнявой студыяй з беларускімі каранямі, якая базуецца ў Лімасоле на Кіпры. Геймдырэктар праекта Юрый Ждановіч жыве ў Гданьску.

The Game Awards — штогадовая міжнародная цырымонія ўзнагароджання, падчас якой адзначаюць найбольш значныя дасягненні ў індустрыі відэагульняў і кіберспорту.

Сёлета за галоўную ўзнагароду ў намінацыі «Гульня года» будуць змагацца шэсць праектаў. Сярод іх — Grand Theft Auto VI, Resident Evil Requiem, 007 First Light і новая версія The Legend of Zelda: Ocarina of Time.

Чытайце таксама:

Кіраўнік Nvidia Джэнсэн Хуанг хоча вярнуцца на пасаду

Закінутыя сядзібы і касцёлы Беларусі стануць лакацыямі для новай відэагульні

«Гуляйце ў відэагульні або будзеце тупымі!» Што за даследаванне працы мозгу так усхвалявала Ілана Маска

Каментары да артыкула