У Магілёве паставілі скульптуру льва Бруна ФОТЫ
У Магілёве 20 лістапада ўрачыста адкрылі новую скульптуру пад назвай Бруна. Яе паставілі каля першага корпуса Беларуска-Расійскага ўніверсітэта з нагоды 65‑годдзя навучальнай установы, паведамляе «МогилевОнлайн».
Фота: «МогилевОнлайн»
Імя Бруна выбралі невыпадкова: у ім зашыфраваная абрэвіятура ўніверсітэта, а таксама закладзеныя адсылкі да навукі і адукацыі.
Ідэя стварыць уласны сімвал універсітэта належыць студэнтам і выкладчыкам. Яны вырашылі, што, калі ўласныя талісманы ёсць у спартыўных каманд, то такі ж павінен быць і ў навучальнай установы.
Фота: «МогилевОнлайн»
Льва абралі таму, што гэты вобраз ужо добра знаёмы магілёўцам, сугучны з назвай горада і сімвалізуе сілу і мудрасць. Эскіз і мадэль скульптуры распрацоўвалі сумесна.
Бруна трымае ў лапах кнігу і штангенцыркуль, на галаве ў яго акадэмічная шапачка, а сам леў апрануты ў мантыю навукоўца.
Аўтарам скульптурнай кампазіцыі стаў скульптар і мастак Аляксей Яўсееў.
Чытайце таксама:
Стала вядома, як будзе выглядаць выпраўленая скульптура беларускай жанчыны ў Быхаве
У цэнтры Жлобіна з'явіліся арт-аб'екты з металічных кружочкаў ФОТАФАКТ