БЕЛ Ł РУС

Зяленскі заявіў, што Крымскі мост «усё роўна не вытрымае»

21.11.2026 / 10:00

Nashaniva.com

Украіна будзе адказваць на атакі па сваіх мастах, а Крымскі мост выкарыстоўваецца Расіяй для перакідвання ўзбраенняў на акупаваныя тэрыторыі. Пра гэта заявіў прэзідэнт Украіны Уладзімір Зяленскі ў інтэрв'ю тэлеканалу NBC News.

Мост пасля пашкоджанняў, фота 19 лістапада Planet Labs

«Сёлета яны расіяне паспрабавалі знішчыць нашу чыгунку і масты — некалькі разоў наносілі па іх удары. І, вядома, мы павінны былі адказаць. І, вядома, мы адказалі па Крымскім мосце Менавіта таму на яго [Пуціна] ўдары па нашых мастах мы будзем адказваць, і ён павінен зразумець, што гэты мост у любым выпадку не выстаіць», — сказаў палітык.

Прэзідэнт Украіны выказаў надзею на дыпламатычнае заканчэнне вайны, але падкрэсліў, што Кіеў ніколі не прызнае акупаваныя тэрыторыі расійскімі. Ён таксама заявіў, што Украіна не пагодзіцца з далейшай мілітарызацыяй сваёй зямлі, для якой Расія выкарыстоўвае Крымскі мост.

З 16 лістапада ўкраінскія вайскоўцы тройчы атакавалі пераправу. Пасля ўдару ўночы 17 лістапада арка аўтамабільнай часткі моста і частка дарожнага палатна абрынуліся ў мора. Пашкоджанні атрымала і чыгуначная частка. Рух па мосце спынілі, нагадвае «Новая газета Еўропа».

Чытайце таксама:

У Расіі пакуль не ведаюць, колькі часу спатрэбіцца на аднаўленне Крымскага моста

Чыгуначная арка Крымскага моста атрымала пашкоджанні

Для каардынацыі ўдараў па Крымскім мосце ўкраінцы выкарыстоўвалі свае «лятучыя мадэмы»

Каментары да артыкула