Вайна

Для каардынацыі ўдараў па Крымскім мосце ўкраінцы выкарыстоўвалі свае «лятучыя мадэмы»

Украінскія вайскоўцы выкарысталі ўласную сістэму так званых «лятучых мадэмаў» для каардынацыі ўдараў па Крымскім мосце ў ноч на 17 лістапада. Гаворка ідзе пра сетку беспілотнікаў-рэтранслятараў, якія забяспечваюць сувязь паміж ударнымі дронамі і ракетамі ды іх аператарамі. Пра гэта выданню Financial Times расказалі спецыялісты 7‑га асобнага цэнтра Сіл беспілотных сістэм Украіны, якія ўдзельнічалі ў аперацыі.

Пасля атакі дарадца прэзідэнта Украіны па тэхналагічных пытаннях Сяргей Бяскрэснаў паведаміў, што перад аперацыяй украінскім вайскоўцам па «выпадковым збегу абставін» абмежавалі доступ да Starshield — вайсковай версіі спадарожнікавай сістэмы сувязі Starlink.

Паводле яго слоў, расійскія тэхнічныя спецыялісты цікавяцца, якім чынам украінцам удалося забяспечыць стабільную сувязь у Крыме, дзе Крымскі мост абсталяваны рознымі сродкамі радыёэлектроннай барацьбы. Бяскрэснаў заявіў, што гэта застанецца невялікай таямніцай Украіны.

Сістэма «лятучых мадэмаў» дазваляе падтрымліваць пастаянную відэасувязь з ударнымі беспілотнікамі і ракетамі. Дзякуючы трансляцыі відэа аператары могуць карэктаваць іх палёт і накіроўваць апараты праз раёны з высокай канцэнтрацыяй расійскіх сродкаў супрацьпаветранай абароны і радыёэлектроннай барацьбы.

Дзясяткі дронаў-рэтранслятараў утвараюць сетку сувязі, якая працягвае працаваць нават у выпадку знішчэння або падаўлення часткі апаратаў. Акрамя таго, такая тэхналогія дазваляе павялічваць далёкасць палёту беспілотнікаў і ракет, а таксама дакладней наводзіць іх на цэлі.

Пасля атакі на Крымскі мост шырокае распаўсюджанне атрымалі відэакадры з камеры ракеты «Фламінга», на якіх бачны яе падлёт да цэнтральнай часткі моста.

Паводле інфармацыі выдання, украінскія падраздзяленні свядома адмовіліся ад выкарыстання Starshield падчас аперацыі. Адзін з вайскоўцаў Сіл беспілотных сістэм расказаў, што хуткасць злучэння праз гэтую сістэму больш за тыдзень была абмежаваная 161 км/г. Для правядзення аперацыі ж патрабавалася сувязь, здольная працаваць пры значна большай хуткасці палёту апаратаў.

Паведамляецца, што тэхналогію выкарыстання беспілотнікаў-рэтранслятараў першапачаткова распрацавалі ў расійскім войску. Украінскія вайскоўцы пачалі выкарыстоўваць падобныя сістэмы яшчэ ў 2023 годзе. Пазней большасць такіх расійскіх дронаў абсталявалі мадэмамі, якія Расіі пастаўляе Кітай.

Паводле слоў Бяскрэснава, украінскія сілы навучыліся эфектыўна глушыць гэтыя мадэмы толькі летам 2026 года.

Каментары

Цяпер чытаюць

Від на Каложскую царкву безнадзейна сапсаваны21

Від на Каложскую царкву безнадзейна сапсаваны

Усе навіны →
Усе навіны

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

Рада дырэктараў Nvidia не мае намеру вяртаць Джэнсэна Хуанга на пасаду генеральнага дырэктара1

Статкевіч пра Ціханоўскага: Ты патрэбны Беларусі. Вяртайся да сябе хутчэй, герой57

Ці нападалі мядзведзі ў Беларусі на людзей?1

Мігранты ўсё радзей едуць у багатыя краіны. І гэта можа стаць праблемай для тых краін10

больш чытаных навін
больш лайканых навін

Від на Каложскую царкву безнадзейна сапсаваны21

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць