БЕЛ Ł РУС

GTA 6 за адзін дзень пабіла рэкорды ўсіх часоў

21.11.2026 / 16:14

Nashaniva.com

Камп'ютарная гульня сабрала каласальныя $3,79 мільярда за першы дзень продажаў. Гэта больш, чым апошні «Чалавек-павук» у пракаце.

Фота: Rockstar

Перадзаказы і продажы гульні Grand Theft Auto 6 ад Rockstar Games у першы дзень дасягнулі $3,79 мільярда, паведаміў распрацоўшчык.

Паводле слоў мацярынскай кампаніі Rockstar Games, Take-Two Interactive, гэтая сума ставіць новы рэкорд для індустрыі забаў у любой сферы і робіць GTA 6 найбуйнейшым запускам забаўляльнага прадукту ў гісторыі, піша Variety.

Для параўнання: самы касавы фільм гэтага года — «Чалавек-павук: Новы дзень» ад Sony Pictures — сабраў у сусветным пракаце ў 2026 годзе $2,52 мільярда. «Адысея» Крыстафера Нолана на гэты момант сабрала крыху больш за $1,8 мільярда.

Толькі за першы дзень продажаў GTA 6 ужо апярэдзіла па зборах самы касавы фільм усіх часоў — «Мсціўцы: Фінал» ($2,9 мільярда).

Вытворчасць гульні каштавала $1,5 мільярда і заняла больш за дзесяць гадоў.

GTA 6 выйшла ў чацвер для PlayStation 5, Xbox Series X і S, а таксама стала даступнай на Xbox One праз воблачны сэрвіс Xbox Cloud Gaming. У рознічным продажы гульня каштуе $80 за стандартнае выданне і $100 за пашыраную версію (Ultimate).

GTA 6 атрымала адзнаку 99 балаў на Metacritic (падзяліўшы першае месца ў рэйтынгу найлепшых відэагульняў усіх часоў).

Чытайце таксама:

Як згуляць у GTA 6, калі жывеш у Беларусі

Скандал у індустрыі гульняў — доўгачаканую GTA 6 злілі ў сеціва незадоўга да афіцыйнай прэзентацыі

Каментары да артыкула