БЕЛ Ł РУС

Скарацілі колькасць месцаў для перачэпкі грузаў з Еўропы

22.11.2026 / 08:39

Nashaniva.com

Урад Беларусі скараціў колькасць афіцыйных месцаў для перачэпкі прычэпаў, перагрузкі тавараў і запраўкі грузавікоў на мяжы з Польшчай і Літвой. Адпаведную пастанову «Аб спецыяльнай абмежавальнай меры» 19 лістапада падпісаў прэм’ер-міністр Аляксандр Турчын.

Здымак ілюстрацыйны. Фота: «Наша Ніва»

Згодна з дакументам, у пункце пропуску Казловічы на мяжы з Польшчай колькасць такіх месцаў зменшыцца з 11 да 9. На літоўскім кірунку ў пункце пропуску Прывалка іх стане 4 замест 6, а ў Беняконях — 6 замест 8.

Прычыны гэтага рашэння ва ўрадавай пастанове не называюцца.

Сістэму перачэпак і перагрузак Беларусь увяла ў адказ на санкцыі Еўрасаюза. 9 красавіка 2023 года ЕС забараніў уезд на сваю тэрыторыю грузавікам з Беларусі і Расіі для перавозкі тавараў. У адказ беларускія ўлады забаранілі еўрапейскім аўтаперавозчыкам перамяшчацца па тэрыторыі Беларусі. Ім дазволілі ўязджаць толькі для перагрузкі тавараў або перачэпкі прычэпаў, пасля чаго грузы павінны былі дастаўляць беларускія перавозчыкі.

У чэрвені 2023 года Польшча забараніла ўезд са сваёй тэрыторыі грузавым аўтамабілям, цягачам, прычэпам, паўпрычэпам і аўтацягнікам, зарэгістраваным у Беларусі і Расіі. У адказ беларускія ўлады забаранілі перамяшчэнне па сваёй тэрыторыі прычэпаў з польскай рэгістрацыяй.

Чытайце таксама:

Еўрапейскім грузаперавозчыкам дазволілі ездзіць па тэрыторыі Беларусі. Але толькі пры пэўных умовах

Беларусь пераплочвае за транзіт калію праз Расію сотні мільёнаў даляраў

Беларусам увядуць падатак на маламерныя судны

Каментары да артыкула