У Беларусі плануюць увесці транспартны падатак на катары, маторныя лодкі, яхты і іншыя маламерныя судны. Пра гэта стала вядома падчас разгляду ў Палаце прадстаўнікоў паправак у Падатковы кодэкс, піша Office Life.
Падатковая стратэгія на 2027 год прадугледжвае стварэнне інфармацыйнай сістэмы ўліку маламерных суднаў. Яна будзе выкарыстоўвацца для падрыхтоўкі да спагнання з іх транспартнага падатку, якое плануецца пачаць з 2029 года.
Да маламерных суднаў адносяць плавальныя сродкі даўжынёй не больш за 20 метраў, на борце якіх можа знаходзіцца не больш за 12 чалавек. Гэта, у прыватнасці, маторныя і вяслярныя лодкі, катары, яхты, гідрацыклы і некаторыя надзіманыя судны.
Падатак не будзе тычыцца суднаў, прызначаных і абсталяваных для прамысловага рыбалоўства, перавозкі грузаў або пасажыраў.
Якімі будуць памеры новага падатку, пакуль невядома.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары