У Віцебску пачынаецца суд над міліцыянерам, які не адкатаў пальцы Канавалаву

26 верасня ў Віцебскім абласным судзе запланаваны разгляд справы супраць эксперта, які не правёў дактыласкапію Дзмітрыя Канавалава. Міліцыянера вінавацяць у службовай нядбайнасці.

Дзмітрый Канавалаў — галоўны падазраваны ў справе выбухаў у Віцебску (14 і 22 верасня 2005 года) і ў Мінску (3 ліпеня 2008 года), а таксама ў тэракце на станцыі метро «Кастрычніцкая» 11 красавіка 2011 году.

21 верасня на працэсе Кавалёва-Канавалава, які гэтымі днямі адбываецца ў мінскім Доме правасудзя, агучылі пратакол допыту 28 красавіка. Канавалаў распавёў, як абмінуў абавязковую працэдуру здачы адбіткаў пальцаў. Калі адбіткі пальцаў збіралі на заводзе, ён прыкінуўся хворым і ўзяў бальнічны. А калі яго выклікалі ў ваенкамат, каб узяць адбіткі пальцаў, то заявіў, што праходзіў дактыласкапію на заводзе.

Каментары да артыкула