«Свабоду Дашкевічу! Свабоду Беларусі!»
5 верасня ў Мінску пройдзе «круглы стол» пад назвай «Свабоду Дашкевічу! Свабоду Беларусі! Стоп 411!».
411 — артыкул Крымінальнага кодэкса Беларусі, па якім у канцы жніўня асудзілі моладзевага лідара Змітра Дашкевіча. Па новым прысудзе палітвязень яшчэ год правядзе за кратамі. Тэрмін зняволення па папярэднім прысудзе заканчваўся сёлета ў снежні.
Чакаецца, што ўдзел у «круглым стале» прымуць палітыкі, праваабаронцы.
На гэтым тыдні Змітра Дашкевіча павінны былі этапаваць з Глыбокага ў Віцебск. Яго новы адрас:
210026, Віцебск, вул. Гагарына, 2, СІЗА-2.
Артыкул 411 — «Злоснае непадпарадкаванне патрабаванням адміністрацыі папраўчай установы, якая выконвае пакаранне ў выглядзе пазбаўлення свабоды».