«Харашысты» апаганілі магілы ў Дуброўне
Заплацяць за дзіцячае свавольства бацькі.
Падлеткі 10 і 12 гадоў апаганілі могілкі ў Дуброўне (Аршаншчына).
З ваяўнічымі крыкамі дзеці насіліся па кладах, пераскокваючы праз агароджы. Пацярпелі каля 20 магіл. Некаторыя помнікі паваленыя, ёсць нават разбітыя, кветкі і вянкі раскіданыя.
Малыя вандалы адразу ва ўсім прызналіся. Але растлумачыць свой дзікі ўчынак не змаглі. Крушэнне помнікаў для іх было гульнёй.
Хлопцы вучацца ў 4 і 5 класах. Вучацца добра. Займаюцца футболам. Жывуць у нармальных сем’ях.
Цяпер з імі працуе псіхолаг.
Заплацяць за «дзіцячае свавольства» бацькі. Палову пашкоджаных помнікаў яны ўжо аднавілі.