Pad žycharkaj Horak pravaliłasia plitka, pakładzienaja na «Dažynki»
29-hadovaja žančyna, jakaja razam z mužam pravaliłasia pad ziamlu na adnoj z centralnych vulic Horak, 21 studzienia pastupiła ŭ Mahiloŭskuju abłasnuju psichijatryčnuju balnicu.
«U mianie niervovaść pavyšanaja, — paviedamiła paciarpiełaja. — Nieŭrapatołah pastaviŭ asteachandroz. Psichaterapieŭt pastaviła dyjahnaz „vostraja reakcyja na stres“. Voś pa jaje nakiravańni idu ŭ balnicu. Nieŭrapatołah mnie prapisała ŭkoły i tabletki. Tabletki supakojlivyja, a ŭkoły — dla pašyreńnia sasudaŭ, tamu što pry padzieńni i ad stresu jany, mabyć, zvuzilisia. Časam mianie chistaje, hublajecca kaardynacyja, nie atrymlivajecca skancentravacca — dumki biehajuć u roznyja baki». Pavodle słoŭ žančyny, u jaje taksama parušany son, apuchła piatka, udarany chvaściec.
Jak paviedamiła paciarpiełaja, u adzin momant układzienaja da «Dažynak» plitka pajšłaIncydent adbyŭsia 4 studzienia kala 18.00 na vulicy Jakuboŭskaha ŭ Horkach, kali žančyna z mužam viartałasia damoŭ.
«My žyviem niepadalok ad taho miesca, ale damoŭ trapili tolki kala 20.20. Doŭhija apytańni na vulicy pryviali da taho, što my abodva prastudzilisia, zarazili śviakroŭ i dvuchhadovaha syna. U muža dahetul branchit», — skazała žančyna.
Adnak pakul zdaroŭje nie dazvalaje ščylna zaniacca hetym pytańniem.Paciarpiełyja majuć namier patrabavać ad uładaŭ kampiensacyju jak materyjalnaha, tak i maralnaha ŭronu.
«Pytańnie treba razhladać, i kampiensacyju vypłačvać. Nichto ad hetaha nie admaŭlajecca», — zajaviŭ namieśnik staršyni Horackaha rajvykankama Uładzisłaŭ Jaromin. Jon patłumačyŭ, što jama ŭtvaryłasia ŭ vyniku vyciakańnia vady z paškodžanaj truby, jakuju ŭkładvali 26 hadoŭ tamu. Kali mienavita adbyłosia paškodžańnie i pačaŭ vymyvacca hrunt, vyznačyć niemahčyma. pry zamienie plitki letaś da hetych kamunikacyj nie padbiralisia.
Jaromin padkreśliŭ, što kampiensavać materyjalny ŭron pavinna arhanizacyja, na bałansie jakoj znachodziacca kamunikacyi. U hetym vypadku heta UKP «Ciepłavaja enierhietyka». Pytańnie maralnaj kampiensacyi pavinien vyrašyć sud, adznačyŭ čynoŭnik.