Sioleta katalickaje Dabravieščańnie adznačać paźniej, čym pravasłaŭnaje

22.03.2013 / 12:10

nn.by

Sioleta ŭ Katalickim Kaściole ŭračystaść Źviestavańnia Najśviaciejšaj Pańnie Maryi budzie adznačacca 8 krasavika, a nie jak tradycyjna 25 sakavika.

Pieranos źviazany z tym, što ŭ hetym hodzie 25 sakavika prypadaje na Vialiki tydzień.

U dadzienym vypadku śviata pieranosicca na paniadziełak paśla aktavy Vialikadnia.

Źviestavańnie Maryi — heta dzień, u jaki Archanioł Habryel (Haŭryił) abviaściŭ joj pra toje, što jana stanie Maci Boha, i ŭ jaki pad jaje sercam źjaviłasia novaje žyćcio — Chrystos, paviedamlaje catholic.by

U pravasłaŭnaj hramady Dabravieščańnie (Błahavieščańnie) adznačajecca 7 krasavika. Sioleta roźnica ŭ Vialikadniach składaje 5 tydniaŭ:

31 sakavika Vialikdzień adznačać kataliki i pratestanty, a pravasłaŭnyja — ažno 5 maja.

Cikava, što takaja raźbiežka (31 sakavika i 5 maja) była ŭ 1918 h., kali abviaščałasia BNR.

U hetu niadzielu, 24 sakavika, u katalikoŭ — Vierbnaja niadziela.

Čytajcie taksama:

Kamientary da artykuła