10-hadovyja dziaŭčatki dapamahli zatrymać ekshibicyjanista ŭ Minsku
10 krasavika ŭ Savieckaje RUUS Minska z zajavami pra chulihanskija dziejańni ŭ dačynieńni da svaich niepaŭnaletnich dačok źviarnulisia dźvie žycharki stalicy.
Vyśvietliłasia, što kala 15-j hadziny dźvie dziesiacihadovyja dziaŭčynki viartalisia dadomu sa škoły. Ich abahnaŭ nieznajomy, spyniŭsia i niešta skazaŭ. Zatym spuściŭ štany i prademanstravaŭ svaje pałavyja orhany. Školnicy nieadkładna paviedamili pra zdareńnie baćkam.
Pa apisańniach dziaŭčynak milicyjanty skłali fotarobat, a ŭčora padazravany byŭ zatrymany.Apierupaŭnavažany adździeła kryminalnaha vyšuku Savieckaha RUUS Dźmitryj Kačan na prypynku hramadskaha transpartu źviarnuŭ uvahu na mužčynu, pa prykmietach vielmi padobnaha da šukanaha. Kali Dźmitryj padyšoŭ da jaho i pradstaviŭsia, toj prykmietna zaniervavaŭsia. Dla vyśviatleńnia asoby padazravany byŭ zaprošany ŭ adździeł milicyi.
Ledź razmova pačałasia, mužčyna raspavioŭ pra incydent ź dziaŭčynkami. Jon źmieščany ŭ izalatar časovaha ŭtrymańnia. Viadoma, što mužčynu 57 hadoŭ.