Kličko i inšyja lidary apazicyi damovilisia ab adzinym kandydacie ŭ prezidenty Ukrainy

Lidary apazicyjnych parłamienckich frakcyj padpisali dekłaracyju ab kaardynacyi dziejańniaŭ na prezidenckich vybarach 2015 hoda.

Pra heta na apazicyjnym mitynhu na Safijskaj płoščy Kijeva ŭ subotu zajaviŭ staršynia palitrady partyi «Baćkaŭščyna» Alaksandr Turčynaŭ. Jon začytaŭ tekst dekłaracyi, jakuju padpisali pierad prysutnymi ludźmi staršynia frakcyi «UDAR» u Viarchoŭnaj Radzie Vital Kličko, staršynia frakcyi «Baćkaŭščyna» Arsień Jacaniuk i kiraŭnik frakcyi «Svaboda» Aleh Ciahnibok.

Pavodle dakumienta, palityčnyja siły ŭziali na siabie abaviazacielstva «adzinaj kamandaj pieramahčy antyŭkrainski kryminalna-mafijozny režym tak zvanaj „Siamji“ Janukoviča na čarhovych ci daterminovych vybarach kiraŭnika dziaržavy». Jany damovilisia, što padtrymajuć taho kandydata ad hetych siłaŭ, jaki vyjdzie ŭ druhi tur. Kali ž źmieniacca «praviły hulni», to jany zrobiać heta ŭžo ŭ pieršym tury.

Kamientary da artykuła