Biełaruś stała bujnym imparcioram bulby z Ukrainy
Naša kraina ŭ siezonie 2012/2013 hadoŭ uvajšła ŭ čaćviorku najbujniejšych imparcioraŭ bulby z paŭdniovaj susiedki.
Pra heta paviedamlaje sajt fruit-inform.com. Asnoŭny abjom pastavak bulby z Ukrainy ŭ Biełaruś prypadaje na rannija hatunki, jakija ekspartujucca ŭ traŭni-lipieni. Heta tłumačycca tym, što va Ukrainie raniej pačynajecca siezon uborki rańnich hatunkaŭ bulby.
Darečy, upieršyniu za apošnija hady akramia rańniaj bulby ŭkrainskija pastaŭščyki ekspartavali ŭ Biełaruś i poznyja hatunki ŭzimku. Paspryjali hetamu nievysokija ceny na bulbu na ŭnutranym rynku Ukrainy.
Adnak u siezonie 2013/14 hadoŭ ekśpierty prahnazujuć, što ekspart ukrainskaj bulby ŭ Biełaruś i Rasiju źnizicca. Bo źnižajucca abjomy vytvorčaści i rastuć ceny na pradukcyju.