Moody's prahnazuje rost VUP Biełarusi ŭ 2013 h. na 2%
Mižnarodnaje rejtynhavaje ahienctva Moody's prahnazuje rost VUP Biełarusi ŭ 2013 hodzie na ŭzroŭni 2%. Takaja acenka pryvodzicca ŭ lipieńskaj spravazdačy ahienctva, pryśviečanaj Biełarusi.
Pavodle mierkavańnia analitykaŭ rejtynhavaha ahienctva, sioleta inflacyja ŭ Biełarusi składziecca na ŭzroŭni 20%, a ŭ nastupnym hodzie źnizicca da 16%. U toj ža čas rost VUP, pavodle acenak Moody's, składzie ŭ 2014 hodzie 2,5%, a sioleta — 2%.
Analityki Moody's ličać, što ekanamičny rost u Biełarusi ciesna źviazany z mahčymaściu atrymańnia źniešniaj padtrymki.
«Rost staŭ zaležać ad źniešniaj dapamohi i enierhietyčnych subsidyj z Rasii. Źniešnija zapazyčańni zabiaśpiečvali rost zarpłat, vysokija tempy kredytavańnia, a taksama subsidyi dla nasielnictva i pradpryjemstvaŭ», — havorycca ŭ analityčnaj spravazdačy Moody's.
Pavodle mierkavańnia analitykaŭ ahienctva, takaja situacyja pryviała da źnižeńnia kankurentazdolnaści biełaruskaj ekanomiki, rostu deficytu biahučaha rachunku płaciežnaha bałansu i pavieličeńnia źniešniaha doŭhu.
Pavodle acenak rejtynhavaha ahienctva, zołatavalutnyja reziervy Biełarusi, uličvajučy płaciažy pa źniešnim doŭhu i abjomy impartu, zastajucca na nizkim uzroŭni, što robić ich «uraźlivymi ad źniešnich šokaŭ».
«Finansavańnie Rasii pavinna dapamahčy pieraadoleć bližejšyja patreby ŭ źniešniaj likvidnaści, adnak pakul asnoŭnyja skažeńni ŭ drajvierach ekanamičnaha rostu nie likvidavanyja, ekanomika i zdolnaść krainy płacić pa daŭhach buduć zastavacca va ŭraźlivym stanoviščy
Rejtynhavaje ahienctva źviartaje ŭvahu, što ŭ 2013 hodzie Rasija pa linii Antykryzisnaha fondu JeŭzAzES zaviaršaje vydzialeńnie Biełarusi kredytnych resursaŭ (3 młrd. dołaraŭ), jakija byli vydadzienyja tranšami na praciahu troch hadoŭ. «Pahadnieńnia pra nastupnaje finansavańnie pakul niama», — adznačajuć analityki Moody's.
Adnoj z klučavych umoŭ dasiahnieńnia vysokich tempaŭ ekanamičnaha rostu źjaŭlałasia madernizacyja ekanomiki. Sioleta Biełaruś zapytvała ŭ Rasii 2,5 młrd. dołaraŭ dla madernizacyi pradpryjemstvaŭ. Adnak rasijskija ŭłady zajavili pra toje, što hatovy kredytavać tolki sumiesnyja (Jak paviedamlałasia raniej, biełaruskija ŭłady zapłanavali na 2013 hod rost VUP na ŭzroŭni 8,5%.
Rost VUP Biełarusi ŭ pieršaj pałovie 2013 hoda skłaŭ 1,4%.